გავიზიაროთ სამუშაო

გავიზიაროთ სამუშაო

სტატიის სექციები

ნუ გაუშვებ, გაუზიარე!

Covid-19-ის პანდემიის მიერ გამოწვეული ეკონომიკური ტურბულენცია, დამქირავებლებს ოპერაციული დანახარჯების შემცირებას აიძულებს, რაც ძალიან ხშირად ადამიანთა სამსახურიდან გაშვებით მთავრდება. შეიძლება ეს ერთად ერთ გამოსავლადაც გეჩვენებოდეთ, მაგრამ ასე არაა, სამსახურიდან დათხოვნის უკეთესი ალტერნატივებიც არსებობს, რომლებიც თქვენთვისაც და თქვენი თანამშრომლებისთვისაც მომგებიანი იქნება. ცხადია ეს ყველა ტიპის ბიზნესსა და პროფესიას არ მოერგება. რეცესიის დროს ადამიანთა დიდი ნაწილი ყოველთვის დაკარგავს სამსახურს, ეს გარდაუვალია.

მაგრამ არ იქნება ურიგო, თუ მათი რიცხვის შემცირებას შევეცდებით.

Covid-19-ის პანდემიამ სამუშაოს გაზიარების პროგრამების პოპულარობა მკვეთრად გაზარდა. მარტივად რომ ვთქვათ ეს პროგრამები თქვენი სამუშაო საათების შემცირებასა და საქმის გაზიარებას გულისხმობს.

წარმოიდგინეთ, რომ გიორგი და ნიკა ორივე დეველოპერებად მუშაობენ ერთსა და იმავე კომპანიაში

არსებული სიტუაციიდან გამომდინარე, კომპანიას მხოლოდ ერთი დეველოპერის დატოვება შეუძლია. იმის ნაცვლად, რომ ერთ-ერთი სამსახურიდან გაუშვას, უმჯობესი იქნება, თუ სამუშაო საათებსა და ანაზღაურებას ორივეს გაუნახევრებს, ანუ ერთის ფასად ორ ადამიანს დაიტოვებს. რის შედეგადაც ნიკა და გიორგი არასრულ სამუშაო განაკვეთზე გადავლენ და უშემოსავლოდ არ დარჩებიან.

ცხადია დროისა და ანაზღაურების შემცირებასთან ერთად დავალებათა რიცხვიც ადექვატურად უნდა იცვლებოდეს.

ასეთი მოდელი კომპანიისთვისაც მომგებიანია, რადგან როდესაც რეცესია დასრულდება ახალი თანამშრომლების ძიება არ მოუწევს, რითიც დროსა და ფულს დაზოგავს და შედარებით მარტივად წამოდგება ფეხზე.

ამ მოდელის ერთ-ერთი ნაირსახეობაა „on-off” სისტემაც, რაც შემდეგს გულისხმობს:

ისევ გიორგისა და ნიკას მაგალითზე — ერთ-ერთის სამსახურიდან გაშვების ნაცვლად, კომპანიას შეუძლია თვეში ორი კვირა გიორგი ამუშაოს სრულ განაკვეთზე, ორი კვირა — ნიკა.

ეს მოდელი მუშაობს და ბევრ სამუშაო ადგილსაც იცავს გაუქმებისგან. მაგალითისთვის სხვადასხვა ქვეყნებს შეგვიძლია შევხედოთ. კორონავირუსის გამო, გერმანიაში 650 000 კომპანიაზე მეტი უკვე იყენებს სამუშაოს გაზიარების პროგრამებს; საფრანგეთში 700 000 ახალი კომპანიის სამუშაოს გაზიარების პროგრამები 8 მილიონ ადამიანს მოიცავს; ბელგიაში 1.25 მილიონს და ა.შ.

კიდევ უკეთეს შედეგს მივიღებთ, თუ კომპანიების მხრიდან სამუშაო საათებისა და ხელფასების შემცირებასთან ერთად სახელმწიფო ანაზღაურების სუბსიდირებას დაიწყებს. ამერიკის 27 შტატში სამუშაოს გაზიარების პროგრამაში მყოფი ადამიანები ნაწილობრივი უმუშევრობის ბენეფიტებს იღებენ, რაც შეიძლება დაზღვევაში, ჩამოჭრილი ხელფასის ნაწილის ანაზღაურებაში თუ გადასახადების შემცირებაში შეიძლება გამოიხატოს.

რეცესიის დროს კომპანიის პრიორიტეტი თანამშრომლების კეთილდღეობა უნდა იყოს.

გამოიწერე სიახლეები


Share on facebook
Share on twitter
Share on linkedin
როგორ დავიცვათ თავი ფინანსური კრიზისისგან

როგორ დავიცვათ თავი ფინანსური კრიზისისგან

ისევ დავუბრუნდით ჩახლართულ ფინანსებს და მათ მნიშვნელობას დღევანდელ დღეს. სიტყვა კომპლექსური ან რთული ფინანსების წინ ხშირად გამოიყენება, მაგრამ დამეთანხმები, კერნელის ფინანსური კალკულატორების დახმარებით ყველა გამოთვლა მარტივდება. სწორედ ასე მუშაობს საჭირო...

ფინანსური რჩევები

5 ფინანსური რჩევა მცირე ბიზნესებისათვის

გაეცანი სტატიას და გააუმჯობესე შენი კომპანიის ფინანსური მხარე ბიზნესის მართვა რთული და შრომატევადი პროცესია. დამწყები და მცირე ბიზნესებისთვის კი ეს ტვირთი კიდევ უფრო მძიმეა. ამის მიზეზი ხშირად შეზღუდული ბიუჯეტი და...

გამოიწერე ჩვენი ბლოგი!